فتاوى الفشل

درس الفتـاوى بـدا بـشـرح لكـم وصـفـه
نحتاج ننقـع عـقـل نقص الوعى وصـفـه
ونحتـاج خـمطـة جهـل أتـزيـن الوصـفـه

ونحتاج ظلمة قبر وخوف ودجل وقيـاس
نخلـط عقـود الفشـل ويـا الجهـل بقيـاس
ونسقـى بـواقى العقـل فى ظلمـة بقيـاس

هـاذى فتـاوى الفشل واسرار هالوصفـه

==========

عيدكم مبارك وعساكم من عواده

يـهــل هــلالنـــا بـالـعـيـد عـسـى عـمـرك عـلـينــا مــد

عسـى الطـاعــه ربهــا يرضـى وعساهــا مالها من حد

وعسى سنك دايمن يضحك وعسى همك ما يشوف الغد

وعـســاكــم دوم عــواده ســنيـــن مــالهــــا مــن عــد

==========

فوضى البلد

اللــه يــاربـنـا نـبـدى الــرجــا بسـمـاك
نـرجـوك تلطـف بـنـا يا ذا العلا بسمـاك
من حيث بحر الندى داعى قبور اسماك

يـاربعى زاد الخطـا شنهـو اللى صايـبنا
لا قـلنـا شـر وغــدى زادت مـصـايـبـنا
مـن زود عـشـق الأنـا يـبـنا البـلا يـبـنا

بومتيح فوضى البلد ما خاب من سماك

==========

بنت البلد

يـا زيـنهـا ضحكـة ردت عـلينـا روح
يـا زينهـا بينهـم تبنى الاراده صروح
يـا زينها بالقسم تسمـو على الجروح

يـا شينهـم طبعهم فوضى وعقل فاض
يـا شينهم ل طغـو وفينا الألم قد فاض
يـا شينهم قـد غـدا شرع لهم فضفاض

يـا زينـهـا نـورت بنت البلـد والــروح

==========

عطاشى الوطن

أربـع نجـوم ابرقـت مـن بيـن ليـل احزان
زانـت دروب الوطـن ودرب الأمل قد زان
والـروح عـقـب الظـما هلـت عليها امزان

تسقى عطـاشى الوطـن بقول جلى واضح
كافـى! جهلكم طغـى ونهـج الجهـل واضح
يـا تـايـه بالـزمـن صـوت الشعـب واضـح

احنـا استعـدنـا الوطـن من بين ليل احزان

==========